Kaupréttarsamningunum er ætlað að samtvinna hagsmuni starfsmanna og félagsins til lengri tíma. Meginefni nýja kaupréttarkerfisins var samþykkt á aðalfundi Marel sem haldinn var 2. mars 2017, í samræmi við starfskjarastefnu félagsins sem samþykkt var á sama fundi. Sex meðlimir framkvæmdastjórnar Marel fá sama magn kauprétta eða 200 þúsund hluti, þá fá yfirmenn alifugla- og kjötiðnaða 300 þúsund hluti, fjármálastjóri og yfirmaður stefnumótunar og þróunar fá 400 þúsund hluti og forstjóri fær 600 þúsund hluti.
Meginefni kaupréttarsamninganna er eftirfarandi:
- Veittur er kaupréttur á hlutabréfum á grunnverðinu EUR 2,779 á hlut [1]. Verðið skal leiðrétt fyrir arðgreiðslum sem kunna að verða ákveðnar frá útgáfudegi kaupréttanna.
- Ávinnslutími (e. vesting time) er þrjú ár frá úthlutun. Heimilt verður að nýta áunna kauprétti tvisvar á ári, í apríl og október eftir birtingu ársfjórðungsuppgjöra. Fyrsta nýtingartímabil mun hefjast þegar eftir birtingu fyrsta ársfjórðungsuppgjörs ársins 2020. Kaupréttarhafar geta frestað nýtingu á kaupréttum sínum til ársins 2021, þegar samningarnir renna út og falla þá ónýttir kaupréttir niður á sama tíma.
- Kaupréttarhafar þurfa að kaupa hlutabréf í Marel fyrir því sem nemur fjárhæð hreins hagnaðar af kaupréttunum þegar skattar hafa verið dregnir frá, og halda þeim bréfum til starfsloka hjá Marel.
Heildarfjöldi útistandandi kauprétta sem Marel hf. hefur veitt starfsmönnum sínum nemur nú alls 11,8 milljónum evra, sem nemur um 1,6% hlutafjár í félaginu, og er þá meðtalin þessi nýja úthlutun kauprétta. Heildarkostnaður félagsins vegna nýju samninganna á næstu þremur árum er áætlaður um 1,7 milljónir evra og er þá byggt á reiknilíkani Black-Scholes.
Nánari upplýsingar um kauprétti sem veittir eru framkvæmdastjórn Marel:
| Nafn | Staða | Nýr kaupréttur | Áður úthlutaður, ónýttur kaupréttur | Hlutafjáreign innherja | Hlutafjáreign fjárhagslega tengdra aðila |
| Árni Oddur Þórðarson | Forstjóri | 600.000 | 360.000 | 64.634 | 67.235 |
| Linda Jónsdóttir | Fjármálastjóri | 400.000 | 725.000 | 62.500 | 0 |
| Árni Sigurðsson | Yfirmaður stefnumótunar og þróunar | 400.000 | 605.000 | 0 | 100.000 |
| Anton de Weerd | Yfirmaður alifuglaiðnaðar | 300.000 | 731.000 | 0 | 0 |
| David Wilson | Yfirmaður kjötiðnaðar | 300.000 | 689.000 | 27.300 | 0 |
| Sigurður Ólason | Yfirmaður fiskiðnaðar | 200.000 | 605.000 | 0 | 0 |
| Jesper Hjortshøj | Yfirmaður frekari vinnslu | 200.000 | 12.000 | 0 | 0 |
| Davíð Freyr Oddsson | Yfirmaður mannauðsmála | 200.000 | 665.000 | 75.000 | 0 |
| Paul van Warmerdam | Yfirmaður alþjóðlegrar framleiðslu- og aðfangastýringar | 200.000 | 665.000 | 0 | 0 |
| Pétur Guðjónsson | Yfirmaður viðskipta- og sölusviðs | 200.000 | 920.000 | 219.430 | 0 |
| Viðar Erlingsson | Yfirmaður alþjóðlegrar nýsköpunar og þróunar | 200.000 | 725.000 | 0 | 0 |
[1] Kaupréttargengið er ákvarðað út frá lokagengi hlutabréfa Marel hf. á NASDAQ OMX Iceland hf. þann 3. mars 2017, þ.e. ISK 314,00 á hlut, umreiknað með miðgengi Seðlabanka Íslands sama dag: EUR/ISK: 113,00