30 ár sem skráð félag á markaði
Skráning Marel í kauphöllina á Íslandi 1992 var mikið heillaskref. Með stöðuga nýsköpun að leiðarljósi hefur Marel umbreyst úr sprotafyrirtæki í alþjóðlegt hátæknifyrirtæki í lausnum í hugbúnaði og þjónustu fyrir matvælaiðnað. Hlutabréfamarkaðurinn hefur stutt við vöxt félagsins og hjálpað því að dafna.
Með nýsköpun og sjálfbærni að leiðarljósi heldur Marel áfram að umbylta matvælaframleiðslu á heimsvísu. Árlega fjárfestir félagið 6% af tekjum í nýsköpun og þróun, eða sem nam um 11,3 milljörðum króna árið 2021, sem gerir viðskiptavinum okkar kleift að sjálfvirknivæða og innleiða stafrænar lausnir í framleiðslu sína fyrir aukna hagkvæmni, fæðuöryggi og sjálfbærni. Fyrsta Marel-vogin var hönnuð árið 1978 í Raunvísindastofnun Háskóla Íslands og varð það kveikjan að gagnabyltingu í íslenskum sjávarútvegi. Allar götur síðan hefur Marel byggt á gagnasöfnun og nýsköpun til þess að auka verðmæti og minnka sóun.
Frá 45 starfsmönnum í yfir 7.000 starfsmenn
Frá skráningu í íslensku Nasdaq kauphöllina 1992, hefur Marel vaxið frá því að vera með 45 starfsmenn, í yfir 7.000 starfsmenn í 30 löndum í dag, þar af yfir 750 á Íslandi. Á sama tíma hafa tekjur félagsins vaxið úr 6 milljónum evra í 1,4 milljarða evra árið 2021. Tekjuvöxtur hefur verið um 20% á ári að meðaltali síðustu 30 ár. Trú hluthafa á félaginu gefur okkur mikinn styrk í áframhaldandi sókn á helstu mörkuðum og vaxtarstefnu um að ná 3 milljörðum í árstekjur árið 2026.
Starfsmenn Marel eiga mikið hrós skilið. Það eru mikil forréttindi að vinna með svo kraftmiklum og framsæknum hópi fólks, sem í samstarfi við viðskiptavini og samstarfsaðila færa okkur nær sjálfbærri framtíð í matvælavinnslu um heim allan.
Fjárfestatengsl
Nánari upplýsingar veita fjárfestatengsl Marel í gegnum netfangið ir@marel.com og í síma 563 8001.